Nëse katër vjet më parë në zgjedhjet e vitit 2021 drejtoi një parti tjetër dhe kandidoi në Shkodër duke i marrë vota PD-së dhe duke i hequr një kandidat, Jozefina Topalli thotë se i duket sikur nuk ka ikur asnjëherë, në kuptimin e asaj që ka besuar dhe vlerave që ka ndjekur.
Mesa duket, problemet me kujtesën e kanë bërë ish-numrin dy të Parlamentit të harrojë angazhimin e saj publik dhe politik kundër PD-së për vite me radhë, ndërsa sot ndodhet në vendin komod të listës së mbyllur për Tiranën. Besnikërinë e saj ndaj Sali Berishës, Jozefina Topalli e shpreh vazhdimisht. Sot, ajo iu shmang përgjigjes direkte nëse pas zgjedhjeve PD dhe PS duhet të bashkojnë votat për ndryshimin e reformës, duke i vajtur pas oreksit të Sali Berishës, i cili e kërkon me ngulm këtë ndryshim, përfshirë dhe atë që ai e quan “shkrirje të SPAK-ut.”
Në emisionin “Real Story” në ABC News, Jozefina Topalli, ish-kryetare e Kuvendit dhe ish-nënkryetare e PD-së, foli edhe për rolin e saj të ri si deputete e ardhshme në Kuvendin e Shqipërisë.
