Komisionerja për Zgjerim Marta Kos është takuar ditën e sotme me kreun e SPAK Altin Dumani, atë të Këshillit të Lartë të Drejtësisë Ilir Rusi, kryeprokurorin Olsian Çela dhe kreun e ILD Artur Metani.
Në një reagim në rrjetin social X, Marta Kos ka shprehur mbështetje të fuqishme të BE për institucionet e drejtësisë, veçanërisht për SPAK.
“Takim shumë i mirë me institucionet e pavarura të drejtësisë, të cilat mundësojnë një Shqipëri dhe një Europë të sigurt dhe të mbrojtur.
Vlerësova angazhimin e tyre për të luftuar korrupsionin dhe krimin e organizuar dhe shpreha mbështetje të fuqishme nga BE-ja për rolin dhe metodat e punës së tyre, veçanërisht për SPAK”, shkruan ajo në X.
