Kronika 4 Korrik 2025, 15:58 Nga VNA

Lamborghini shpërthen pas çarjes së gomës/ Zbardhen detajet e aksidentit të futbollistit Diogo Jota dhe vëllait të tij

Ndaje në Whatsapp
Lamborghini shpërthen pas çarjes së gomës/ Zbardhen

Pak ditë pas aksidentit tragjik që i mori jetën futbollistit të Liverpool-it, Diogo Jota, janë zbuluar detaje të reja mbi ngjarjen që ka tronditur botën e sportit dhe miliona tifozë në mbarë globin. Sipas burimeve zyrtare dhe mediave spanjolle, Jota humbi jetën së bashku me vëllain e tij, André Jota – edhe ai futbollist – në një aksident të rëndë automobilistik në kufirin mes Spanjës dhe Portugalisë.

Të dy po udhëtonin me një automjet luksoz të markës Lamborghini, të marrë me qira, me destinacion qytetin Santander, nga ku kishin planifikuar të niseshin drejt Anglisë me traget. Kjo zgjedhje u bë për arsye mjekësore, pasi Diogo Jota kishte kryer së fundmi një ndërhyrje në mushkëri dhe mjekët i kishin rekomanduar që të shmangte fluturimet ajrore.

Aksidenti ndodhi në autostradën e Zamorës, në anën spanjolle të kufirit, ku makina, duke lëvizur me shpejtësi të lartë, doli nga rruga dhe shpërtheu në flakë. Sipas raportimeve të para të autoriteteve, automjeti kishte kapur një shpejtësi mbi 120 kilometra në orë në momentin që po kryente një manovër parakalimi. Hetuesit besojnë se një çarje në gomën e pasme, në kombinim me sipërfaqen e pabarabartë të rrugës, ka çuar në humbjen e kontrollit të mjetit, përplasjen me barrierat anësore dhe shpërthimin fatal të makinës.

Autostrada ku ndodhi ngjarja është përmendur shpesh në të kaluarën për problemet serioze të infrastrukturës dhe mungesës së mirëmbajtjes. Vetëm dhjetë ditë më parë, një tjetër aksident i rëndë ndodhi në të njëjtin segment, ku një grua mbeti rëndë e plagosur. Banorë lokalë dhe drejtues mjetesh kanë ngritur vazhdimisht shqetësime për gjendjen e rrugës, por pa ndonjë ndërhyrje të dukshme nga autoritetet përkatëse.

Reagimet nuk kanë munguar nga komuniteti sportiv. Klubi i Liverpool-it ka shpallur zi zyrtare dhe ka njoftuar se, për nder të Diogo Jotës, do të tërheqë nga përdorimi fanellën me numrin 20, të cilën ai e mbante që prej bashkimit me klubin. Ky vendim, edhe pse i pazakontë për futbollin anglez ku rrallë herë numrat tërhiqen, u mor pas kërkesave të shumta nga tifozët të prekur thellë nga lajmi.

Ndërkohë, personalitete nga bota e futbollit, përfaqësues klubesh, ish-shokë skuadre, trajnerë dhe figura të njohura të sportit në nivel ndërkombëtar kanë shprehur ngushëllimet e tyre për humbjen e Jotës dhe vëllait të tij. Federatat e futbollit të Portugalisë dhe Anglisë kanë mbajtur një minutë heshtje në ndeshjet e zhvilluara pas ngjarjes.

Video

?Video virale tregon rrugën në zigzag Lingpaishi në Kinë në Chongqing — 453 metra me 18 kthesa të mprehta — e quajtur "makthi i shoferëve." Për banorët e fshatit, megjithatë, ajo është një shpëtim për shkollën, spitalet dhe shpresën që nga viti 2012.

?Pamje nga Gaza 2023 -2025 Pas sulmeve të 7 tetorit 2023 nga Hamas në Izrael, situata në Gaza është përshkallëzuar dramatikisht. Izraeli nisi një ofensivë masive ajrore dhe tokësore, duke bombarduar Gaza dhe shpallur një bllokadë të plotë. Luftimet janë intensifikuar, me viktima të shumta nga të dyja palët, ndërsa shumë civilë në Gaza janë detyruar të largohen nga shtëpitë e tyre. Shërbimet bazë janë ndërprerë, dhe kushte humanitare janë përkeqësuar shumë. Pavarësisht thirrjeve për armëpushim, dhuna vazhdon dhe situata është ende kritike për popullatën civile.

? Dalin pamjet e arrestimit të një personi që dyshohet për tentativë sulmi masiv është arrestuar afër Stamford Bridge pas ndeshjes së Chelsea. Ai ishte i veshur me helmetë, me jelek antiplumb dhe i armatosur me pistoletë, duke mbajtur gjithashtu municione shtesë.

Një video e mbërritur sot në redaksinë e VNA tregon sasi të mëdha mbeturinash buzë lumit Vjosë, ku një pjesë e tyre po digjen në mënyrë të pakontrolluar. Ky veprim po shkakton një dëm të rëndë mjedisor dhe rrezikon ekosistemin unik të një prej lumenjve më të rrallë të Europës. Aktivistët paralajmërojnë se ndotja kërcënon jo vetëm Vjosën, të cilësuar si “lumi i fundit i egër në Europë”, por edhe shëndetin e komuniteteve pranë tij.

Doni të informoheni të parët për lajme ekskluzive?

Bashkohuni me grupin tonë privat.

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme