Gjykata Kushtetuese do të shqyrtojë sot në një seancë mbi bazë dokumentash kërkesën e Erion Veliajt për shfuqizimin si antikushtetues të masës së sigurisë “arrest me burg”.
“Shfuqizimin si të papajtueshëm me Kushtetutën e Republikës së Shqipërisë të vendimeve nr. 7, datë 09.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar, vleftësuar përmes vendimit nr.14, datë 12.02.2025, të Gjykatës së Posaçme të Shkallës së Parë për Korrupsionin dhe Krimin e Organizuar; vendimit nr.13, datë 13.03.2025 të Gjykatës së Posaçme të Apelit për Korrupsionin dhe Krimin e Organizuar; vendimit nr.00-2025-1153 (176), datë 08.07.2025 të Kolegjit Penal të Gjykatës së Lartë”.
Veliaj pretendon se masa është caktuar në kundërshtim me ligjin dhe në këtë mënyrë i është mohuar e drejta për të ushtruar detyrën e kryetarit të Bashkisë.
Zyrtari i lartë vendor ndodhet në paraburgim nga 10 shkurti 2025 dhe aktualisht po gjykohet në GJKKO për 13 akuza penale, si korrupsion në nëntë raste, pastrim parash, fshehje pasurie dhe shpërdorim detyre.
