Gjykata e Posaçme ka caktuar datën 8 gusht, ora 10:00, për të shqyrtuar kërkesën e ish-presidentit Ilir Meta për zëvendësimin e masës së sigurisë.
Burime pranë çështjes bëjnë me dije se Meta ka ofruar si alternativë ndalimin për të dalë jashtë vendit dhe bllokimin e pasaportës, në mënyrë që të lirohet nga masa e paraburgimit.
Meta ndodhet në arrest prej datës 21 tetor 2024. Të hënën e kësaj jave, SPAK i ka komunikuar zyrtarisht mbylljen e hetimeve dhe tashmë ai pritet të përballet me gjykatën për akuzat e korrupsionit, pastrimit të parave dhe fshehjes së pasurisë.
Në kërkesën e tij, Meta argumenton se me përfundimin e hetimeve nuk ekziston më rreziku për prishje të provave. Kjo është hera e dytë që ai kërkon lirinë përmes zëvendësimit të masës së sigurisë, pas arrestimit të bujshëm të tetorit të kaluar.
