Kreu i grupit parlamentar të Partisë Demokratike, Gazment Bardhi, ka deklaruar se partitë e reja politike nuk arrijnë të sigurojnë mandate dhe i shërbejnë mbajtjes në pushtet të Edi Ramës.
Madje ai parashikon se partitë e reja nuk do të arrijnë të prodhojnë asnjë mandat në zgjedhjet e 11 majit.
“Nëse qëllimi është të kafshojnë nga votat e opozitës dhe t’i shërbejnë mbajtjes në pushtet të Edi Ramës, i kanë llogaritë me qytetarët, të cilët, jam i bindur se arrijnë ta dallojnë një parti që keqpërdoet për të marrë disa vota nga opozita, edhe pse dihet se nuk prodhon asnjë mandat.
Besoj që partitë e reja nuk do të arrijnë të prodhojnë asnjë mandat. Edhe vrojtimet e opinionit publik, të bëra si nga partitë politike, si nga organizma të ndryshëm në vend pasqyrojnë këtë realitet.”- u shpreh Bardhi.
