Deputeti i PD-së, Edmond Spaho, dhe ish-deputetja e kësaj partie, Grida Duma, janë përplasur në distancë.
Spaho i është përgjigjur ashpër Grida Dumës, pasi kjo e fundit e ka përmendur në emisionin e saj si një shembull i dështuar në zgjedhjet e vitit 2021.
“A ke fituar ndonjëherë, Grida, sa kohë ishe në politikë?
Unë kam humbur vetëm një herë, në 2017, nga 6 përballje elektorale që kam pasur për deputet në Kuvendin e Shqipërisë.
Sa jam në politikë, kam mbikëqyrur 5 palë zgjedhje vendore dhe 1 palë zgjedhje të përgjithshme dhe kam humbur 2 herë: kur punova për ty në 2015 dhe në 2023, kur Rithemelimi hyri pa emër, pa vulë, pa fonde dhe pa komisionerë.
Dhe më e rëndësishmja, Grida, unë kurrë nuk kam hyrë në fushata zgjedhore për të mbledhur lekë për vete. Besoj më kupton ku e kam llafin,” shkruan zoti Spaho në Facebook, duke përcjellë edhe pakënaqësitë për ndarjen e drejtuesve politikë në qarqe.
Kujtojmë se në zgjedhjet e vitit 2021, Grida Duma ishte drejtuese politike për PD-në në Kavajë, ndërsa Edmond Spaho në qarkun e Korçës.
