Drejtori i komunikimit në PD, Alfred Lela, është ndalur sot edhe te lapsuset apo gafat që i ndodhin Sali Berishës gjatë transmetimeve live të fushatës elektorale.
Në një intervistë në Syri TV, Lela tha se kjo ndodh për shkak se zoti Berisha, sipas tij, ka lexuar rreth 1200 faqe për çdo pjesë të programit dhe, kur realizon 3-4 takime në ditë, nuk është kaq e jashtëzakonshme të bësh gafa.
Në një fushatë pa përballje idesh dhe pa debate për programet, duket qartas se batutat dhe shkëmbimet me epitete në distancë janë e vetmja mënyrë komunikimi.
