Pas ndarjes nga jeta të stilistit të njohur Giorgio Armani në moshën 91-vjeçare, janë hapur dy testamente të shkruara me dorë nga vetë ai, të datuara në mars dhe prill të këtij viti. Dokumentet, të hapura zyrtarisht më 9 shtator nga noteria Elena Terrenghi, zbulojnë dëshirat e fundit të ikonës së modës për të ardhmen e markës “Giorgio Armani”.
Armani nuk kishte fëmijë, dhe trashëgimia e tij pritet t’u kalojë tre nipërve të tij si dhe partnerit të tij të ngushtë, Leo Dell’Orco. Një rol kyç pritet të ketë edhe Fondacioni Armani, themeluar nga vetë stilisti një dekadë më parë.
Pasuria përfshin 99.9% të grupit të modës dhe prona luksoze në Itali dhe jashtë saj, si dhe vepra arti me vlerë të lartë. Përmbajtja e plotë e testamenteve nuk është bërë ende publike.
