Personi që shihni në këtë foto është Fatmir Troplini, i njohur si Miri i Pojës. Ai është djali I biznesmenit të skeduar për drogë Xhevdet Troplini i njohur si Poja, në Shkozet të Durrësit. Sipas SPAK Fatmir Troplini kishte marrë porosi për vrasjen e Preng Gjinit.
Ekzekutimin mafioz do ta kryente për llogari të mikut të tij, Elson Reci, nipit të Kastriot Recit të ekzekutuar me spajper në zemër të Rrëshenit. Familja Reci e Gjini janë në konflikt prej vitesh dhe janë përplasur sipas drejtësisë për cështje të drogës. Elson Reci kontaktoi fillimisht Besmir Xhixhën e Enver Divën për të kryer vrasjen e hasmit të tij. Kur ata dështuan, kontaktoi Arben Mërkurin i njohur me nofkën Maneci, i cili u ekzekutua më vonë, si dhe Fatmir Troplinin. Miri Pojës kontaktoi vrasësin me pagesë Nuredin Dumani për vrasjen e Gjinit, por ai nuk pranoi. Preng Gjinit iu vendos tritol në makinë, por ai mundi ti mbijetonte atentatin.
Në kuadër të hetimit të cështjes, përmes së cilës SPAK zbërtheu 7 grupe kriminale që operonin në Krujë, Durrës, Lezhë, Tiranë, e Vlorë, firmosi 50 urdhër arreste. Gjatë kontrolleve në bazën e Ervis Docit, i njohur si Visi Pojës dhe biznesmenit Troplini policia gjeti dhe sekuestroi 3 milionë euro cash.
