Kryebashkiaku i Tiranës Erjon Veliaj nis zyrtarisht përballjen me SPAK. Avokatët e bashkëshortes së tij Ajola Xoxa dhe vëllait Arbër Veliaj kanë vënë në lëvizje Gjykatën e Posaçme ku kërkojnë paligjshmëri të veprimeve të SPAK.
Të premten e kaluar hetuesit e BKH-së sekuestruan celularin e Ajola Xoxës ndërsa ushtruan kontroll në qendrën Harabel, dy shtëpitë e Arbër Veliajt si dhe kompaninë e tij Gogël.
Avokatët pretendojnë se kontrollet dhe sekuestrimet janë të paligjshme. SPAK është duke hetuar për veprën penale të korrupsionit mbi kryebashkiakun Veliaj e po ashtu po hetohet pasuria e tij dhe e familjarëve.
