Erion Braçe pranon që gara për Tiranën e PS, ku ai ndodhet në listën e hapur, është e pabarabartë. Megjithatë, ai shprehet optimist për garën. Në një postim në Facebook, ndër të tjera deputeti socialist shkruan:
Kjo javë ka qenë e vështirë. Më është dashur të përtyp përfundimisht inatin brutal përjashtues “o unë, o ai”, të pranoj një garë të pabarabartë kur kam vetëm 6 javë këtu, të shkel mbi ca parime që i kam të shenjta kur më duhet të konkuroj në një strategji jo etike me shokët e mi të vjetër e të rinj.
Në garën për Tiranën, Edi Rama vendosi në listën e sigurt vetëm pak nga bashkëpunëtorët e tij, ndërsa kryesisht zgjodhi emra të rinj. Erjon Brace, Farmir Xhafaj, Holta Xhacka dhe të tjerë deputetë tashmë do të garojnë mes tyre për të zgjedhur pak deputetë (midis 5 dhe 7) nga 37 alternativat në listën e hapur të PS.
