Renato Kumrija denoncon heqjen e tij nga lista e kandidatëve të PD për Elbasanin
Renato Kumrija, i cili ishte renditur i treti në primaret e PD-së për Elbasanin dhe i teti në qark, akuzon sekretarin e Përgjithshëm Flamur Nokën për fshirjen e tij nga lista e kandidatëve për deputetë.
Kumrija e cilëson këtë veprim si një shkelje të statutit të partisë dhe ngre dyshime për pazare të mundshme në momentet e fundit para dorëzimit të listave në KQZ.
Kjo situatë mund të shkaktojë përçarje të mëtejshme brenda PD-së dhe të ndikojë në performancën e saj elektorale. Ende nuk ka një reagim zyrtar nga Flamur Noka apo nga strukturat drejtuese të PD-së mbi këtë çështje.
Reagimi i plotë e Renato Kumrijas
Te dashur anëtarë të Partisë Demokratike Qarku Elbasan, miq, shokë dhe bashkëpunëtorë që keni besuar tek unë si një i ri ne politikë dhe më keni dhënë mbështetje të pakushtëzuar, pa interes, që të jem kandidat për deputet i Partisë Demokratike. Ju ve ne dijeni që më ka thirrur Sekretari i Përgjithshëm PD, Flamur Noka, i cili më ka komunikuar që unë nuk do të jem në listë si kandidat për deputet. Arsyeja është e thjeshte, pasi duhet t’ia lënë vendin dikujt tjetër, ndërsa kane lënë ne liste kandidate me shume me pak mbeshtetje nga Primaret. Edhe pse e kundërshtova me forcë qëndrimin e tij personal, duke shkelur statutin e PD dhe çdo kod njerëzor, ai (Flamuri) ma fshiu emrin. Dua të falënderoj gjithsecilin nga ju, të cilët më mundësuat që unë të isha një ndër të rinjtë më te votuar në qytetin e Elbasanit (i 3-ti në renditje, në nivel Qarku isha i 8-ti dhe dola si një ndër kandidatet e rinj më potencialë për të marrë pjesë ne zgjedhjet Parlamentare si përfaqësues i PD-së. Për fat të keq, kuptova që puna, përkushtimi dhe interesi për t’i dhënë Zë nevojave të qytetarëve të thjeshtë dhe për t’i përfaqësuar ata denjësisht nuk është primare për politikëbërësit. Unë isha dhe jam një si ju, bir i një familjeje të thjeshte shqiptare, që besova se ku më mire sesa një njeri i “popullit” njihte më mire nevojat e shtresës sonë. Prandaj, me keqardhje; miq dhe dashamirës që e pritet me krahëhapur figurën dhe njeriun që unë përfaqësoj, ju lajmëroj që nuk do te jem pjesë e "listës së hapur", sepse është më e mbyllur se vetë emri nga Flamur Noka. Miqtë e mi, ju e kuptoni shumë mirë pse ndodhi kjo! A mos vallë ka pazare apo negociata përgjatë natës së fundit të afatit për t’u regjistruar nga KQZ, këtë e di vetëm Flamur Noka dhe koha që jam i bindur se do më japë të drejtë mua dhe krejt Elbasanit, për të cilën ai ka hedhur poshtë Demokracinë për votën e lirë ndaj një frymë të re dhe një të riu që pat mbështetjen më të sinqertë nga familjet e Elbasanit. Është për të ardhur keq që figura të tilla si Flamur Noka tremben nga mbështetja që ka një njeri i ri në politikë dhe fillojnë sulmet që të kenë mundësi të bëjne lirshëm dallaveret e tyre dhe nuk pretendojnë Fitoren, por kërkojnë Humbjen ne zgjedhje. Prandaj, për të mos rënë ndesh për parimet e mia për DEMOKRACI REALE, Kërkoj nga ana e juaj që të mbështesni Partine Demokratike dhe Prof.Dr. Sali Berishën, sepse unë do jem pjesë e saj gjithmonë, është apo nuk është ai (Flamuri) pjesë e saj. Mirënjohje të thellë për ju, pasi ju me bëtë të jem i zgjedhuri juaj me tempullin e demokracise dhe detyrimi im është të jem zëri juaj kudo dhe gjithnjë, pavarësisht se Flamuri nuk është dakord!
