Qarku i Tiranës mbetet qendra e garës elektorale për shkak të peshës së madhe që ka në ndarjen e mandateve. Në bazë të analizës së zgjedhjeve të vitit 2021 dhe zhvillimeve të katër viteve me opozitën, mund të nxjerrim disa konstatime kryesore:
1. Premisat Bazë
• Mandatet minimale nga lista e mbyllur:
Partitë sigurojnë së pari mandatet e fituara nga lista e mbyllur. Për çdo koalicion të drejtuar nga dy partitë e mëdha, parashikimi është për mbi 12 mandate minimale në Tiranë. Nëse nuk arrijnë të marrin më shumë se 12 mandate, lista e hapur nuk ka efekt.
2. Efekti i Listave të Hapura
• Votat personale:
Vetëm kandidatët nga lista e hapur (37 emra) mund të marrin vota personale dhe të konkurrojnë për mandate. Rirenditja e kandidatëve bëhet në bazë të votave të fituara, duke e kaluar rëndësinë e renditjes fillestare. Kandidatët e listës së mbyllur (12 të parët) nuk ndikohen nga votat personale.
• Pragu për mandatet shtesë:
Për të fituar mandatin e 13-të, një kandidat nga lista e hapur duhet të sigurojë të paktën 12,500 vota personale, me kusht që partia ose koalicioni të kenë marrë 12 mandatet e listës së mbyllur.
Në zgjedhjet e 2021, Partia Demokratike dhe aleatët e saj siguruan 15 mandate në Tiranë, LSI 2 mandate. Në kushte laboratorike, i bie që për 3 mandate do të garojnë 37 kandidatët e listës së hapur të PD për Tiranën.
Megjithatë, krahasuar me 4 vite më parë, përçarja e PD-së ul shansin që ajo të marrë më shumë mandate se në kohën kur ishte e bashkuar, kishte një program dhe fushatë të mirë dhe konkurruese me atë të mazhorancës.
Ndërkohë që në listen e hapur të PD-së garojnë disa kandidate, Ilir Meta (PL) dhe Shpëtim Idrizi (PDIU) kanë struktura të konsoliduara partiake dhe një organizim më të mirë sesa shumë nga kandidatët e listës së hapur të PD-së. Kjo i bën ata më të aftë për të siguruar vota personale dhe për të ndikuar në shpërndarjen e mandateve.
