Mario Çela, i akuzuar si anëtar i organizatës kriminale që drejtohej nga i vëllai Suel Çela, është transferuar nga paraburgimi për në qendrën spitalore të Burgjeve. Sipas Drejtorisë së Përgjithshme të Burgjeve, në momentin e ekstradimit nga Belgjika ai ka paraqitur një epikrizë që vuan nga disa probleme shëndetësore dhe për këtë shkak është transferuar për trajtim mjekësor.
Ndërkohë, për arsye shëndetësore, Mario Çela ka kërkuar zëvendësim të masës së sigurisë nga GJKKO. Ai akuzohet për akuzën e vrasjes së Bledar Muçës në Belgjikë dhe korrupsion në sektorin privat.
Muça njihej si krahu i djathtë i Ardian Çapjas, i dënuar me burgim të përjetshëm dhe kundërshtar i grupit kriminal Çela.
