Ish-kryebashkiaku socialist, Elvis Roshi, është shfaqur në takimin e PD ku u prezantua programi në lagjen Skuraj të Kavajës. Në fotot e mbërritura në redaksinë e VNA, Roshi shihet në rreshin e fundit të qytetarëve që kishin marrë pjesë në takim, ndërsa dallohet me një kapuç në kokë dhe një kostum sportiv.
Ndërsa në rreshtin e parë të takimit është sekretari i përgjithshëm i PD Flamur Noka, kryebashkiaku i Kavajës dhe kandidatë për deputetë të PD.
Roshi tashmë ka dalë në fushatë hapur për PD, pasi Berisha ka futur në listën e hapur djalin e xhaxhait të tij, Elton Rroshin në zonën e Kavajës.
Ish-kryebashkiakut me disa emra u largua nga politika përmes ligjit të dekriminalizimit, ndërsa është nën hetim pasuror edhe nga SPAK.
