“Ne duhet të ecim me një program të përbashkët të qeverisë dhe bashkisë specifikisht për artin e kulturën të përqendruar në Shkodër, pasi arti dhe kultura këtu kanë një traditë dhe pasi e kombinuar me elementë të tjerë që ka zona, mund të bëjnë një punë të madhe për më shumë turizëm, për më shumë biznes.” Kështu deklaroi kreu socialist Edi Rama gjatë një takimi me sipërmarrësit në Shkodër. Si për të përforcuar mesazhin e tij, Rama tha se ndërtimet e reja në Shkodër do vijnë në kuadër të turizmit, që siç e quajti ai "turizëm me 5 yje". Teksa prezantonte edhe për publikun idetë e tij, Rama bëri të qartë se nuk ka nevojë për konsensusin e Benet Becit, pasi këtij të fundit do ti marrë edhe godinën e Bashkisë.
Rama theksoi gjithashtu se po shqyrtojnë gjithashtu edhe mundësinë për të transformuar godinës e bashkisë së Shkodrës në një godinë muze.
"Me kryetarin jemi në diskutim për transformimin e goditës së bashkisë në godinë muze. Administrata e bashkisë mund të lëvizë diku tjetër, dhe të rrijë në një mjedis spektakolar që është gjynah që të mos jetë i vizitueshëm për të gjithë. Kam parasysh një hapësirë ku të ketë lëvizje dhe aktivitet të vazhdueshëm, ku mund të qëndrojë zyra përfaqësuese e kryetarit të bashkisë, por kur pjesa tjetër fare mirë t’i përkiste publikut.", theksoi Rama.
Paralelisht projektet e reja që do të nisin në qytet, si Muzeu i ri i Kujtesës, sheshi i Xhamisë së Madhe, Muzeun e Lundrimit pranë Kalasë së Rozafës, si edhe Pinotekën e Shkodrës.
