Kreu i Komisionit Qëndror të Zgjedhjeve, Ilirjan Celibashi, deklaroi se mbi 154 mijë qytetarë shqiptarë jashtë vendit kanë marrë fletën e votimit për zgjedhjet e 11 majit.
Nga ta, 62% kanë pranuar zarfin me materialet zgjedhore, ndërsa deri më tani janë kthyer në KQZ rreth 19,025 fletë votimi, me pritshmërinë që ky numër të arrijë në 22 mijë deri në fund të ditës – përfaqësues i 12.5% të totalit të fletëve të shpërndara.
Procesi i administrimit të votave vijon. Nga gjithsej 245,935 qytetarë të regjistruar për të votuar jashtë vendit, numri më i madh vjen nga Italia, Greqia, Gjermania, SHBA dhe Britania e Madhe.
