Akuzave të kundërshtarëve se një pjesë të bashkëpunëtorëve i ka në burg, kryeministri i është përgjigjur në takimet elektorale që ka pasur ditën e sotme në Skrapar dhe Poliçan.
Por në vend që të kërkojë falje apo të marrë përsipër pjesën e përgjegjësisë pasi janë bashkëpunëtorët e tij në qeverisje, kryeministri ka zgjedhur të mburet me reformën në drejtësi që sipas tij e ka bërë të mundur partia socialiste.
“Unë jam shumë krenar dhe kur ata thonë shikoni se këta i kanë njerëzit në burg. Unë ju them shqiptarëve që, jo, e vërteta është se ne kemi nxjerr nga burgu drejtësinë” – u shpreh ai.
Krenaria e Ramës është paksa paradoksale, duke ditur se zyrtarët që sot janë në burg, në ato poste janë emëruar prej tij. Minimumi që duhet të bëjë është mos të flasë për këtë problem, sepse edhe sikur të kenë “ngrënë dradha pas shpinës së tij”, tregon paaftësi për pozicionin që mban.
