Gjykata e Posaçme ka shtyrë për datën 5 maj seancën paraprake për dosjen “Partizani”, ku ish-kryeministri Sali Berisha është i pandehur për korrupsion. Shtyrja erdhi pas kërkesës së avokatëve për përjashtimin e gjyqtares Flojera Davidhi.
GJKKO, prej afro 7 muajsh, ende nuk ka marrë një vendim për kalimin ose jo të dosjes penale për gjykim.
"Paraqitja e një kërkese të tillë nga avokatët e të pandehurve në dosjen 'Partizani' ngjan më shumë si një strategji për zvarritjen e procesit, me qëllim që vendimi për këtë dosje të shpallet pas zgjedhjeve parlamentare të 11 majit."
