Dështon votimi i parë për zgjedhjen e drejtorit t
Procesi për zgjedhjen e drejtorit të ri të RTSH dështoi në votimin e parë, pasi asnjë nga kandidatët nuk mori shumicën e nevojshme nga 11 anëtarët e Këshillit Drejtues.
Eni Vasili mori 5 vota, Xhoi Jakaj dhe Engjëll Musai nga 2 vota, ndërsa dy të tjerë nga 1 votë secili. Kryetari Fatjon Hoxhalli njoftoi se votimi i dytë do të mbahet të premten mes tre kandidatëve kryesorë.
Zgjedhja e drejtorit të ri vjen pas dorëheqjes së Alfred Pezës vitin e kaluar, e pasuar nga kritika për ndikime politike dhe shkarkime të diskutueshme në RTSH.
Procesi i përzgjedhjes është shoqëruar me ndërhyrje politike, përfshirë edhe shkrirjen e Këshillit të mëparshëm nga Parlamenti dhe emërimin e një bordi të ri me lidhje të forta politike.
