Kryetari i Partisë Demokratike, Sali Berisha, këto zgjedhje do t’i ketë pak të vështira edhe për faktin se, përveçse do të duhet të shfqet si alternativë para shqiptarëve edhe pse kërkon një mandate të tretë, do të duhet të shtiret edhe sikur marrëdhëniet me Britaninë dhe SHBA i ka normale pavarësisht “non gratës” që ka marrë prej tyre.
Këtë përshtypje të jep edhe takimi i sotëm i ish-kryemnistrit, i cili priti në zyrë me përfaqësuesit të Leadership Institute, Ron Nehring dhe Peter Smallëood. Në fotot që ka shpërndarë në facebook nga takimi, Berisha ndër të tjera shkruan se “Partia Demokratike ka nisur një epokë të re të bashkëpunimit ndërkombëtar, duke zgjedhur që fushata për zgjedhjet parlamentare të 11 majit 2025 të udhëhiqet nga ekspertiza e miqve amerikanë republikanë dhe konservatorëve britanikë”.
Se sa e vërtetë mund të jetë kjo që thotë kreu i PD, nuk dihet. Por fakt është që me Britaninë e Madhe është ende “non grata” dhe për këtë ka humbur dhe gjyqin që kishte hapur në Londër. Njëjtë është situata edhe me Shetet e Bashkuara të Amerikës. Dhe nëse do quhej bashkëpunim me amerikanët apo britanikët, bashkëpunimi për të mirën e qytetarëve duhet të jetë me qeveritë e këtyre vendeve dhe jo me persona specifik që për arsye bashkëpunimi të mëparshme mund t’i kesh dhe miq.
Gjithsesi, risia nga ky takim është se deputetja Jorida Tabaku shfaqet pas kaq shumë kohësh në krah të Sali Berishës. Quhet risi për shkak se kjo është hera e parë pas shumë kohësh që zonja Tabaku shfaqet në krah të Sali Berishës edhe pse prej disa muajsh është bërë pjesë e grupit parlamentar të PD së tij.
