Kryetari i Partisë Demokratike, Sali Berisha, në konferencën e ditës së sotme për mediat, ka folur për ligjin e fundit që u miratua nga mazhoranca për fajlen e gjobave për të ndërtimiet pa leje. Berisha ndër të tjera tha se ky ligj është bërë për biznesmenët pranë qeverisë. Për ta shpjeguar më qartë, ai bëri një krahasim me amnistinë penale që u bë në prill të këtij viti dhe fajtor cilsoi ministrin e Drejtësisë Ulsi Manja, duke thënë se e bëri për klientët e vet.
“Është e njëjta gjë siç veproi ministri Ulsi Manja me ligjin e amnistisë. Ligji i amnistisë përjashtonte të gjithë ata që ishin të dënuar nga Gjykata Speciale dhe të hetuar nga Prokuroria Speciale. Ulsi Manja kundër shumave përrallore që ka marrë, ka shkelur ligjin dhe ka gjetur variante për të amnistuar të paktën, ka shifra të ndryshme por e sigurt është që 30, 40 janë amnistuar në kundërshtim me ligjin. Duke shfrytëzuar teknikalitete me të cilat ai ka marrë një shumë përrallore parash, për të nxjerr ata që sduhet të dilnin nga burgu. Është identike situata. Edhe këtu bën gjoja ligjin për fshatarët, por në fakt ky është ligj për të amnistuar Qefalinë, Gjikurinë, e tjerë me radhë” – tha Berisha.
Nuk dihet nëse këtë krahasim Berisha e bën me qëlllim apo pa dijeni e plotë se si u miratua amnistia penale. Por duke ditur se është një politikan i një kalibri të lartë dhe që nuk i shpëton asgjë në fushën e lojës, zor se besohet që është një keqkuptim.
Gjithsesi, po i rikujtojmë ish-kryeministrit se ligji i amnistisë që u propozua nga ministri i Drejtësisë, Ulsi Manja, u miratua me 110 vota në parlament në 4 prill të këtij viti. Dhe në këto 110 vota ishin edhe deputetët e Partisë Demokratike, me në krye kreun e grupit parlamentar Gazment Bardhi, që votuan për miratimin e këtij ligji.
Madje aq të sigurt ishin, saqë kur dy deputetët që janë në konflikt me grupin e Berishës, Enkelejd Alibeaj dhe Lulzim Basha bënë paralajmërime nga foltorja e Kuvendit se ligji do të lironte të korruptuarit e hetuar nga SPAK dhe dënuar nga GJKKO, Gazment Bardhi dhe Ulsi Manja i përqeshnin në Parlament duke thënë se nuk dinë të lexojnë ligjin.
Në fund rezultoi se nuk ishin 30 apo 40 persona, siç thotë Berisha, por sipas SPAK, u liruan 117 persona që po heoheshin dhe të dënuar nga GJKKO.
Prandaj kryetari i PD duhet të jetë më i kujdesshëm me krahasimet që bën, sepse edhe nëse vërtetë është ashtu siç pretendon, atëherë i sugjërojmë që të punësojë ekspertë juridik në PD që dinë të lexojnë ligjin dhe mos t'i gënjej Ulsi Manja.
