Në Kuvendin e Kosovës është mbajtur sot seanca e përbashkët plenare mes Kuvendit të Shqipërisë dhe Kosovës, duke theksuar bashkëpunimin dhe koordinimin për objektiva strategjikë kombëtarë.
Në këtë seancë kanë marrë pjesë kryeministri i Shqipërisë, Edi Rama, kryetarja e Kuvendit të Shqipërisë, Elisa Spiropali, si dhe kryetarët e grupeve parlamentare të të dyja vendeve. Liderët shqiptarë janë pritur në takim nga kryeministri i Kosovës, Albin Kurti, dhe kryetari i Kuvendit të Kosovës, Glauk Konjufca, duke shfaqur atmosferë pozitive dhe vullnet për të forcuar marrëdhëniet mes dy vendeve.
Axhenda e seancës ka nisur me fjalimin e kryetarit të Kuvendit të Kosovës, Glauk Konjufca, i ndjekur nga kryetarja e Kuvendit të Shqipërisë, Elisa Spiropali, si dhe përfaqësuesit e grupeve parlamentare. Fjalimet përmbyllëse do të mbahen nga kryeministri Edi Rama dhe homologu i tij, Albin Kurti.
Objektivat kryesore të diskutimeve përfshijnë integrimin e Shqipërisë dhe Kosovës në strukturat euroatlantike, avancimin e të drejtave të shqiptarëve në rajon, si dhe rritjen e kontributit shqiptar në zhvillimin demokratik, paqen dhe sigurinë në Ballkan
