Kryetari i Partisë Demokratike, Sali Berisha, ka reaguar pas daljes nga godina e Parlamentit, duke akuzuar kryeparlamentaren Elisa Spiropali për shkeljen e procedurës së seancës dhe Kushtetutës. Ai e cilësoi Spiropalin me epitetin “pëllumbesha spirogjoka” dhe theksoi se, përveçse në këtë Parlament, procedura është një prioritet absolut. “Kjo pëllumbesha spirogjoka pas mbledhjes së grupit parlamentar ka frikë se i nxjerrin 5 milionshin, ku të dush dhe si të dush, kjo është kryetare e pakallur e Kuvendit!”, u shpreh Berisha.
I pyetur për deklaratën e fundit të ambasadës së SHBA-ve, Berisha akuzoi administratën e mëparshme të SHBA-ve dhe ish-ambasadoren Yuri Kim. Ai e cilësoi si të humbur këtë administratë, duke shtuar se përgjigja ishte dhënë me zgjedhjet e 5 Nëntorit. “Nuk jam këtu për të diskutuar të shkuarën. 5 Nëntori u dha përgjigjen këtyre. Kjo administratë ka humbur,” tha Berisha, duke e lidhur deklaratën e SHBA-ve me dorën e ish-ambasadores Kim.
