Sot në seancën parlamentare po mbahet interpelanca e kërkuar nga PD me ministren e Turizmit dhe Mjedisit, Mirela Kumbaron. Interpelanca e kërkuar nga deputetja Ina Zhupa, fokusohet tek zbatimi i ligjit për Zonat e Mbrojtura. Zhupa tha se Janë dhënë 5.8 mln tokë për investitorët strategjikë, duke e konsideruar kabinetin qeveritar si terroristë mjedisorë. "Pasi keni mbaruar të gjithë tokën që mund të jepnit, tani keni programuar të hyni në zonat e mbrojtura. Propozimi është që jo vetëm të zgjatet afati, por të jepen në përdorim edhe brigjet e deteve, lumenjve e liqeneve për stacione plazhi. Pasi morët tokën, merrni edhe detit, edhe ajrin dhe jetën e shkatërrojeni këtë vend”, tha ajo. Ministrja e Turizmit dhe Mjedisit Mirela Kumbaro, në fjalën e saj diskriminoi komunitetin e ardhur në Tiranë, duke bërë një krahasim aspak me vend. Kumbaro theksoi se Ksamili në kohën e qeverisjes së PD u degradua në një Bathore të dytë. Sipas saj, sot ka zgjeruar sipërfaqen e zonave të mbrojtura me 21.5 përqind. "Ju ndoqët parimin e çurbanizimit. Nuk është fjala vetëm për Tiranën. Ksamili u degradua në një Bathore të dytë. Ne sot po sistemojmë territorin me restaurime. Çdo rregullim është bërë me vendim të Agjencisë Kombëtare të Zonave të Mbrojtura"- tha Kumbaro.
