Me afrimin e zgjedhjeve të 11 Majit, pritet një valë tjetër lehtësirash për qytetarët, ku një nga masat më të fundit është falja e gjobave për ndërtimet pa leje.
Socialisti Erion Braçe, propozues i këtij projektligji, ka arritur të kalojë në Komisionin e Ekonomisë një nismë që fshin gjobat për ndërtimet pa leje, duke përfshirë jo vetëm zonat rurale, por edhe qytetet.
Ky ligj do të falë penalitetet e vendosura gjatë 10 viteve të fundit nga inspektoriate të ndryshme dhe Policia e Shtetit, duke përfshirë shtëpitë individuale që janë ndërtuar pa leje në qytet.
Nisma është miratuar vetëm me votat e socialistëve në komision dhe pritet të votohet në seancën e ardhshme plenare. Ligji ka për qëllim të ndihmojë qytetarët që kanë bërë ndërtim për qëllime strehimi dhe jo për ndërtimin e pallateve.
