Një ngjarje e rëndë është regjistruar mëngjesin e sotëm në Vlorë, ku një grua 61-vjeçare ka mbetur e plagosur rëndë pas një episodi dhune.
Sipas të dhënave paraprake, shtetasja me inicialet E. H. dyshohet se është goditur me një sqepar në kokë nga bashkëshorti i saj.
Për shkak të plagëve të marra, 61-vjeçarja është transportuar me urgjencë në spital, ku raportohet se ndodhet në gjendje të rëndë shëndetësore.
Ende nuk janë bërë të qarta rrethanat në të cilat ka ndodhur sulmi dhe as motivet që dyshohet se kanë çuar në dhunën e rëndë.
Policia ka nisur veprimet për sqarimin e plotë të ngjarjes, ndërsa grupi hetimor po punon për të rindërtuar dinamikën dhe për të përcaktuar përgjegjësitë.
