79-vjecarja Hajrije Taushani, është një nga pesë shtetasit shqiptarë që u riatdhesua mbrëmjen e së martës nga kampet famëkeqe në Siri. Gruaja udhëtoi drejt Sirisë, pasi atje luftonin përkrah organizatës terroriste ISIS në Siri, bashkëshorti i saj dhe djali Sherit Taushani.
Hajrija kishte qëllim që të kthente në Shqipëri fëmijët e të birit, vajzë dhe djalë. Si bashkëshorti, ashtu dhe djali i Hajrijes u vranë atje gjatë luftimeve dhe ajo mbeti vetëm me të miturit. Pas vitesh të gjata qëndrimi në kampet famëkeqe, kryesisht në Al-Hol gruaja vendosi vullnetarisht të kthehej.
Me ndërhyrjen e Ministrisë së Jashtme u nxorr leje kalimi për të dhe pesë personat e tjerë, për shkak se asnjë prej tyre nuk kishte dokumenta.
5 të riatdhesuarit kanë udhëtuar me avion nga Siria në drejtim të Stambollit dhe më pas po me avion në Tiranë. Hajrie Taushani, ka mundur të kthehet bashkë me mbesën 17-vjecare, ndërsa në Siri ka mbetur nipi, për shkak se ndodhet në një kamp tjetër.
Bashkë me Hajrijen me dakordësinë e familjes është riatdheshur dhe një i mitur nga Kavaja, të cilit prindërit i janë vrarë në Siri gjatë luftimeve.
Myrvete Dibra, është një tjetër e riatdhesuar bashkë me vajzën e saj të mitur. Burri i saj malazez rezulton të jetë vrarë po ashtu në Siri.
Qindra shtetas shqiptar u rekrutuan në 2014 e në vijim për xhihad luftarak në Siri.
