Ministria për Evropën dhe Punët e Jashtme njoftoi këtë të mërkurë se u riatdhesuan nga Siria 5 shtetas shqiptarë, gra dhe fëmijë. “Pas mbërritjes në Shqipëri, shtetasve të riatdhesuar do t’u ofrohet asistenca e nevojshme dhe do të kryhen vlerësimet shëndetësore dhe psikosociale”, deklaroi ministria. Shtetasit shqiptarë qëndronin në kampet famëkeqe në Siri. Ata udhëtuan drejt Sirisë pasi u rekrutuan për xhihad luftarak atje. Në mesin e të rekrutuarve ishin dhe fëmijë, disa prej të cilëve janë riatdhesuar gjatë dy viteve të fundit.
