Protestat kundër kryeministrit Edi Rama dhe kabinetit qeveritar kanë hyrë këtë të hënë në ditën e 86-të. Një grup qytetarësh është grumbulluar përpara godinës së SPAK-ut, duke kërkuar vëmendje ndaj dosjeve që, sipas tyre, kanë mbetur të pahetuara.
Në mesazhin publik të shpërndarë gjatë tubimit, protestuesit theksojnë se protesta nuk zhvillohet vetëm përpara godinës së SPAK-ut, por simbolikisht përballë çdo padrejtësie që, sipas tyre, ka cenuar besimin e qytetarëve te ligji dhe institucionet.
Pjesëmarrësit kërkojnë drejtësi, përgjegjshmëri dhe zbatim të barabartë të ligjit për të gjithë, pa dallime.
Organizatorët deklaruan se protestat do të vijojnë, duke theksuar se qytetarët që kërkojnë llogari nga institucionet duhet të dëgjohen deri në fund.
