Nis në Gjykatën e Dibrës seanca për masën e sigurisë për Petrit Çakrrin, alias Hoxha, dhe Fation Bushgjokën, të dyshuar për rrëmbimin dhe vrasjen e Renis Dobrës në Burrel. Prokuroria ka ngritur ndaj tyre akuzat për vrasje me paramendim, kryer në bashkëpunim, si dhe rrëmbim e zhdukje personi, dhe ka kërkuar masën e sigurisë “arrest me burg” për ta. Prova më e fortë kundër tyre janë pamjet filmike, ku të dyshuarit shfaqen para dhe pas vrasjes makabre të Dobrës. Dy të dyshuarit kanë mohuar akuzat. Ndërkohë, dy vëllezërit e Bushgjokës, Kristi dhe Aleksandri, janë shpallur në kërkim.
