Qytetarët kanë vijuar protestën e tyre në ditën e dhjetëtë saj me një pjesëmarrje masive.
Pasi kanë qëndruar për disa orë para kryeministrisë protestuesit kanë marshuar sërish në rrugët e kryeqytetit. Ata kanë bllokuar disa akse në kryeqytet si dhe i kanë bërë thirrje qytetarëve të tjerë që t’i bashkohen në protestë .
Thirrjet ‘Shqipëria e Re’, ‘Rama në burg, Berisha në burg’, kanë pushtuar Tiranën këtë të martë për t’u bashkuar para kryeministrisë.
Protestuesit janë shpërndarë në disa akse mbrëmjen e sotme. Disa nga rruga Elbasanit, një pjesë kanë vijuar nga bulevardi drejt bashkisë dhe rrugës së Barrikadave dhe kanë dalë sërish për në bllok.
Të mërkurën me rastin e 148 vjetorin e Lidhjes Kombëtare të Prizrenit është lajmëruar një protestë kombëtare ku janë ftuar qytetarë nga e gjithë Shqipëria për t’u bërë pjesë e saj.
Ndërkohë 10 nismëtarë të kësaj proteste kanë dërguar një shkresë në KQZ ku kërkojnë ndryshime në Kodin Zgjedhor.
