Prej më shumë se pesë orësh, protestuesit vijojnë qëndresën para Kryeministrisë, ndërsa pjesë e tyre po marshojnë edhe në rrugët e Tiranës. Mes thirrjeve “Dorëheqje”, “Revolucion” dhe “Ju erdhi fundi”, atmosfera është shoqëruar nga daulle, bilbila dhe boritë e makinave.
Në ditën e 21-të të protestës, pjesëmarrja e emigrantëve të ardhur nga Anglia dhe vende të tjera të Europës ka qenë e dukshme. Shumë protestues janë vendosur në shkallët e Kryeministrisë dhe përgjatë bulevardit, duke deklaruar se do të qëndrojnë gjatë gjithë natës.
“Diaspora do ta gdhijë në shesh”, ishte mesazhi i përsëritur nga protestuesit, të cilët pritet të ribashkohen para Kryeministrisë pas marshimeve në qytet.
