Daja i Endri Shabanit nuk do të jetë deputet në vend të Lapajt – të paktën kështu ka deklaruar sot Shabani në një intervistë televizive teksa shtoi se – Ka qenë numërues. Është krijuar bindja sikur Zeqiri është bërë deputet, ndërkohë që nuk është e vërtetë. Ata kanë dorëzuar dorëheqjen, ndërkohë që KQZ e zvarrit këtë proces. Dokumenti është dorëzuar nga partia, i ka mbledhur dorëheqjet dhe i ka dorëzuar në KQZ. Ai është mërzitur për shkak të deklaratës ku Adriatiku ka shprehur dorëheqjen e vetë dhe më pas nuk e ka bërë. Nuk ka për ta marrë mandatin, as ai, asnjë nga kandidatët e Nismës.
Shabani duket t’i ketë hedhur ujë të ftohtë sherrit mes tij dhe Adriatik Lapajt për mandatin e partisë “Shqipëria Bëhet”. Me gjasë, lajmet e djeshme dhe shndërrimi në më shumë se qesharak të debatit për mandatin e koalicionit “Shqipëria Bëhet” ka shtyrë Shabanin dhe Zeqir Kordhinin të dalin sot me një qëndrim tjetër.
Mënyra e zgjedhur nga ky koalicion për të nxjerrë deputet nga lista e hapur, Adriatik Lapaj, duket se nuk u mirëprit nga Endri Shabani. Shkaqet në dukje parimore në thelb janë thjesht financiare. Partia e Lapajt tashmë përfiton nga buxheti i shtetit për partitë politike si parti parlamentare. Privilegj që Nisma Thurje e Shabanit nuk e përfiton për shkak se nuk nxori dot një deputet. Me gjasë, ulja e gjakrave ka të bëjë me ndonjë marrëveshje të mes dy të rinjve të politikës. Që me këto lëvizjet e fundit treguan se janë njësoj e në mos më keq se kasta e vjetër që përdor çdo mënyrë e mjet për të qëndruar në skenën e përbaltur të politikës shqiptare.
