Një burrë nga shteti amerikan i Marylandit ka përjetuar një surprizë të jashtëzakonshme pasi bleu tre bileta identike lotarie dhe fitoi gjithsej 150 mijë dollarë.
Sipas rrëfimit të tij, ai kishte rënë në gjumë para se të zhvillohej shorti dhe vetëm të nesërmen kuptoi se secila prej biletave të tij kishte rezultuar fituese e një çmimi prej 50 mijë dollarësh.
Kështu, tre biletat i siguruan një fitim total prej 150 mijë dollarësh.
Fituesi tha se ende nuk ua ka treguar lajmin anëtarëve të familjes, pasi dëshiron t’u bëjë një surprizë fëmijëve të tij.
Ai shtoi se një pjesë e parave do të ndahet me të afërmit, ndërsa pjesa tjetër do të përdoret për shlyerjen e faturave dhe ndoshta për të realizuar disa udhëtime.
