Kreu i Partisë Demokratike, Sali Berisha, i është përgjigjur deklaratës së Fisnik Qosjes, i cili një ditë më parë në A2 CNN kërkoi që përtej denoncimit të farsës elektorale, të bëhej edhe një analizë e brendshme në parti.
Berisha tha se Partia Demokratike do ta realizojë analizën e nevojshme, por aktualisht është e përqendruar në publikimin e provave të pakundërshtueshme që dëshmojnë farsën elektorale.
“PD është një forcë politike e hapur, transparente dhe e angazhuar për të analizuar veprimtarinë e saj në dritën e të vërtetës. Në këtë moment, ajo është e fokusuar në paraqitjen e fakteve të mëdha që zbulojnë farsën elektorale me dokumente të padiskutueshme, por kjo nuk do të pengojë realizimin e një analize të plotë të procesit në lidhje me strukturat e saj. Kambanat po bien për farsën elektorale”, u shpreh Berisha.
