Teksa Parlamenti mbylli punimet e natës vonë mes debateve dhe votimit të 84 kartonëve pro të mazhorancës, Presidenti Bajram Begaj nuk humbi asnjë sekondë gjumi. Porsa u zgjua, me stilografin gati dhe pa u thelluar aspak te kompleksiteti i vendimit të Gjykatës Kushtetuese apo te pretendimet e magjistratëve, ai e zyrtarizoi me vrap "porosinë" e Edi Ramës.
Mjaftoi kërkes e Kuvendit se pagat e gjyqtarëve e prokurorëve kishin mbetur peng i Thesarit që prej 1 gushtit, që Kreu i Shtetit të merrte rolin e noterit rrufe.
Me dekretin për ligjin nr. 95/2026, Begaj dha menjëherë pëlqimin që amendamenti i miratuar në erresirën e natës të hynte në fuqi po sot, më 18 shtator, duke anashkaluar çdo procedurë normale 15 deri 35-ditore të shqyrtimit institucional.
Për Presidencën, ky nxitim u pagëzua si "mbrojtje e nevojës akute" dhe "garanti për pavarësinë e drejtësisë".
Por në realitet, në vend që të analizojë se si ndryshimet minimale sfidojnë frymën e Kushtetueses, Presidenti thjesht stampoi me sy mbyllur vullnetin e mazhorancës, duke vërtetuar edhe një herë se për çdo hall emergjent të Qeverisë, zyra e tij punon me orar të zgjatur.
