Duke filluar nga dita e nesërme (4 janar) qrkullimi në aksin rrugor Thumanë-Kashar do të bëhet me pagesë. “Gener 2” i Bashkim Ulajt ka njoftuar se nga data 4 janar do të nisë zbatimi i tarifës së miratuar, e cila fillon nga 2.1 euro pa TVSH.
Sipas njoftimit, kjo tarifë do të rishikohet çdo vit, duke u përshtatur me luhatjet e kursit të këmbimit.
Aksi Thumanë-Kashar, me një gjatësi prej 30 km, u përfundua në verën e vitit të kaluar. Deri tani, qarkullimi ka qenë falas, pasi kompania ka kryer testimet e nevojshme për të shmangur krijimin e radhëve.
Madje për të shmangur rrugët dytësore, koncensionari në koordinim me qeverinë bllokuan dhe hyrje daljet për në Fushë Krujë dhe Krujë. Kjo bëri që shumë qytetarë të protestonin pasi penalizoheshin mijëra biznese. Pas shumë protestave të banorëve të zonave përreth, qeveria bëri një hap pas duke detyruar Bashkim Ulajn të lejonte aksesin në këtë autostradë.
Sipas kontrates koncesionare për gjithë periudhën e koncesionit të rrugës Thumanë – Vorë – Kashar (35 vite), parashikohen mbi 1.3 miliardë euro për 22 km rrugë për kompaninë “Gener 2” të Bahkim Ulajt!
