Vijojnë negociatat me Nertil Buzin për ta bindur të dorëzohet pas ngjarjes së rëndë të ndodhur mëngjesin e së premtes në Roskovec.
Burime nga vendngjarja bëjnë me dije se autori kërkon më shumë kohë, ndërsa pretendon se krimin e ka kryer për shkak të një konflikti me familjen e ish-partneres, të cilën ai e akuzon se i ka marrë para.
Sipas të njëjtave burime, ai vijon të kërcënojë se do t'i japë fund jetës, ndërsa grupi negociator i Policisë është afruar pranë tij dhe po vazhdon përpjekjet për ta bindur të dorëzohet. Buzi ndodhet ende i armatosur me armën që dyshohet se përdori gjatë krimit.
Mëngjesin e sotëm ai vrau me armë zjarri ish-vjehrrin e tij, 55-vjeçarin Arben Plaka dhe plagosi ish-vjehrrën, Belere Plaka.
Më pas ai u arratis nga vendngjarja duke marrë peng edhe ish-partneren, të cilën e la të lirë disa orë më pas, pasi forcat RENEA rrethuan zonën.
