Një operacion i madh kërkimi vazhdon në brigjet lindore të Indisë pas fundosjes së anijes së mallrave Ocean Winner, me 24 persona në bord.
Anija me flamur të Panamasë kishte dhënë sinjal alarmi përpara se të humbiste kontakti me të.
Dy marinarë kinezë janë gjetur të gjallë mbi mjete shpëtimi, ndërsa 22 persona të tjerë vazhdonin të kërkoheshin më 23 gusht.
Dëshmia e dy të mbijetuarve ka dhënë edhe detajin më dramatik mbi fundosjen.
Sipas kreut të administratës detare indiane, marinarët treguan se anija kishte nisur të anohej të premten dhe më pas ishte fundosur brenda vetëm tetë minutash, duke i detyruar njerëzit në bord ta braktisnin menjëherë.
Roja Bregdetare dhe Marina Indiane kanë angazhuar mjete në operacionin e kërkim-shpëtimit.
Në det, koha është vendimtare. Mbijetesa e personave që kanë braktisur një anije varet nga fakti nëse kanë arritur në gomone, nga kushtet atmosferike dhe nga sa shpejt mund të lokalizohen.
Për momentin, shkaku që bëri Ocean Winner të anohej dhe të fundosej nuk është përcaktuar publikisht.
