Një aksident i rëndë ka ndodhur në Greqi, ku prindërit e trajnerit të Kombëtares Shpresa, Alban Bushi, kanë humbur jetën.
Aksidenti ndodhi në Greqi, në segmentin Veria-Selanik, pranë Kouloura Imathias. Një fugon i drejtuar nga 47-vjeçari grek Marios Simitliotis, është përplasur me një Mercedes-Benz me targa shqiptare, që drejtohej nga 75-vjeçari Ali Bushi.
Si pasojë e përplasjes, Ali Bushi dhe pasagjerja 71-vjeçare Bukurije Bushi, prindërit e Alban Bushit, humbën jetën. Shtetasi grek ka pësuar lëndime të lehta dhe është arrestuar nga policia.
Alban Bushi, ish-sulmues i Kombëtares Shqiptare, ka shënuar 14 gola për ekipin kuqezi dhe aktualisht është trajner i Kombëtares U-21, pozita që e mban që nga viti 2016, duke drejtuar Shpresat në 58 ndeshje.
