Ka përfunduar protesa e opozitës në 6 kryqëzime kryesore të vendit. Ashtu siç kishin marrë leje, PD protestoi për 3 orë duke bllokuar segmentin Casa Italia – Sheshi “Shqiponja”, rrethrrotullimet Milot, Shkozet, Bradashesh, Rrogozhinë dhe Levan.
Në përgjithësi protestat ishin të qeta dhe pa incidente, përveç disa tensioneve të vogla në Tiranë dhe Elbasan.
Vlen të theksohet fakti që disa deputetë të PD nuk morën pjesë në mosbindjen civile të ditës së sotme, pasi bashkë me përfaqësuesit socialistë morën pjesë në një takim formal me disa eurodeputetë.
