Mediat ndërkombëtare po i bëjnë jehonë anijes me mbetje toksike që ka mbërritur sot në Portin e Durrësit. Sipas ‘Washington Post’, anija ndodhet një milje larg bregut dhe ende nuk është ankoruar. Ajo transporton gjithsej 2100 ton mbetje toksike, të cilat janë nën sekuestro nga prokurorët shqiptarë.
Gazeta thekson se Jim Puckett, drejtori i Rrjetit të Bazelit me qendër në SHBA, ishte në Durrës gjatë mbërritjes së anijes. Ai u bëri thirrje autoriteteve për transparencë dhe për të marrë mostra nga kontejnerët, duke sugjeruar që këto mostra të analizohet në "laboratorë të ndryshëm paralelisht".
Puckett shprehu shqetësimin se pluhuri toksik mund të ketë ardhur nga filtrat e kontrollit të ndotjes nga një kompani shqiptare dhe se mund të jetë kontrabanduar ilegalisht nga Kosova dhe Gjermania.
