Anija me mbetje të dyshuara toksike, që ka mbërritur në Shqipëri, aktualisht ndodhet në radë në pritje të vendimit që do të marrë kapiteneria e portit të Durrësit për qëndrimin e saj.
Burime të VNA bëjnë me dije se po vijon mbledhja e kapitenerisë për të gjetur zgjidhjen nëse anija e kompanisë Maersk do të ankorohet në portin e Durrësit apo diku tjetër.
Sot, Prokuroria pranë Gjykatës së Shkallës së Parë të Juridiksionit të Përgjithshëm Durrës kanë urdhëruar sekuestrimin në cilësinë e provës materiale 102 kontenierë, me qëllim kryerjen e ekspertimeve përkatëse.
