Në Gjykatën e Rrethit Gjyqësor Fier, u zhvillua seanca gjyqësore për 42-vjeçarin Altjon Sulejmanaj, i cili u arrestua dy ditë më parë për tentativë vrasjeje ndaj prindërve të tij të moshuar, Shaqir dhe Selfixhe Sulejmanaj.
Mësohet se motivi i zjarrvënies rezulton të ketë qenë një kërkesë për 10 mijë lekë të vjetra nga babai i tij, e cila u refuzua. Kjo situatë e ka nxehur Sulejmanajn, i cili më pas ka spërkatur shtëpinë me benzinë dhe e ka vënë zjarrin.
Trupi gjykues vendosi të dërgojë Sulejmanajn në shtrim të detyruar në spitalin psikiatrik. Sipas burimeve policore, gjatë dëshmisë së tij, 42-vjeçari nuk ka shfaqur asnjë shenjë pendese, përkundrazi ka qenë shumë i qetë.
