Ish-kryeministri Sali Berisha do të paraqitet ditën e sotme në SPAK për të shlyer detyrimin e gjykatës së Apelit që ka caktuar ndaj tij masën e sigurisë “detyrim paraqitje”. Flamur Noka sekretar i Përgjithshëm i Partisë Demokratike ka mobilizuar mbështetësit dhe deputetët që të mblidhen para SPAK kur Berisha të mbërrijë aty dhe më pas të bëjë edhe dekleratat sic e ka kthyer në traditë. Njëkohësisht sot Gjykata e Posacme pritet të marrë një vendim lidhur me kalimin ose jo për gjykim të dosjes penale “Partizani”, ku seanca paraprake zvarritet prej afro 7 muajsh. Avokatët ndonëse publikisht se kanë pranuar, duke shfrytëzuar hapësirat ligjore, janë përpjekur ta shtyjnë këtë vendimmarrje pas zgjedhjeve parlamentare të 11 majit. Ish-kryeministri Berisha është nën akuzë për korrupsion kryer në bashkëpunim. Ndërsa dhëndërri I tij Jamarbër Malltezi akuzohet për korrupsion e pastrim parash. Nën akuzë janë edhe biznesmenë e shoqëri. Berisha sipas SPAK ka favorizuar dhëndrrin në privatizimin e ish-kompleksit sportiv Partizani. Paraqitja e Berishës në prokurorinë e posacme për të firmosur para një oficeri të Byrosë Kombëtare të hetimit, vjen këtë herë vetëm 6 ditë para zgjedhjeve parlamentare të 11 majit.
