Prej dy ditësh pasagjerët e Wizz air presin për tu nisur drejt Londrës pasi fluturimi inplanifikuar të martën në datën 21 shtyhet vazhdimisht. Avioni nga Tirana në Londër ishte planifikur që të nisej të martën në orën 12.25. Fillimishr është shtyrë për në orën 15.00. Më vonë është shtyrë për në orën 17.30. Më pas është shtyrë për në 19.00 dhe parmbrëmë është anulua fare.
Një nga pasagjerët pohoi për VNA.al se kompania Wizz Air i kishte hipur dy herë në avion dhe dy herë i kishte zbritur. Justifikimi që na dhanë ishte se “avioni kishte defekt”. Më pas pasagjerët janë dërguar në një hotel afër aeroportit dhe u është thënë se do nisen të nesërmen në mëngjes në orën 8.30.
Por dhe të nesërmen fluturimi është shtyrë për në orën 10.30. Pastaj janë lajmëruar se do niseshin në 15.30. Sërish shtyrje për në 19.00 dhe më vonë u anulua sërish.
VNA mëson se deri sot në mesditë nuk ka ende njoftim për nisjen e fluturimit të planifikuar dy ditë më parë nga Tirana në Londër, ndërkohë që qytetarët që kanë prerë biletat kanë 48 orë që sorollaten nga mungesa e seriozitetit të Wizz Air.
