Elisa Spiropali nuk do t’i japë emrin e saj vetëm servilizmit pa fre ndaj shefit të madh. Me gjasë, gjurmë më të fortë ajo do lerë në shkeljen e Kushtetutës gjatë procesit të zëvendësimit të Elsa Toskës pas dorëheqjes së saj si anëtare në Gjykatën Kushtetuese. Dhe kjo jo për emrin e ri për të cilin, kushdo qoftë Partia Socialiste i ka votat për ta zgjedhur, por për grykësinë e Elisës që shkon përtej emrit dhe prek kohëzgjatjen e mandatit.
VNA raportoi dy ditë më parë për shkeljen e kryetares së Kuvendit lidhur me shpalljen e vendimit për vakancën në GJK duke e zgjatur mandatin e të dorëhequrës Elsa Toska nga 2025 në 2028. Siç dhe pritet të ndodhë, praktika që Kryetarja e Kuvendit po ndjek për vendin vakant do të zbatohet dhe për dy anëtaret e tjera të Gjykatës Kushtetuese, mandati i të cilave përfundon në vitin 2025. Bëhet fjalë për kryetaren Holta Zace dhe anëtaren Sonila Bejtja.
Pa hyrë në shumë detaje juridike të cilai i kemi publikuar në shkrimin e një dite më parë, sot po sjellim për publikun linkun e lajmit të publikuar nga Zëri i Amerikës ditën e emërimit të Holta Zaçes si kryetare e Gjykatës Kushtetuese, ku përcaktohet qartë se mandati i saj është i pjesshëm dhe përfundon në vitin 2025.
Linku i lajmit të VOA
https://www.zeriamerikes.com/amp/6970480.html
Ndoshta dëshira e zonjës Zaçe dhe ndonjë tjetri për të zgjatur mandatin, e kombinuar me zellin e Spiropalit për t’i shërbyer shefit të madh, janë arsye të forta për të shkelur Kushtetutën, e cila trajtohet tashmë si letër bakalli. Por ajo që mbetet e habitshme është se si ekspertët e ligjit, media dhe politikanët e opozitës (përveç Jorida Tabakut) kanë mbyllur sytë përballë kësaj tentative flagrante, që në rastin më të mirë mund të ishte konsideruar si pakujdesi. Por pas dy më shumë se mosvëmendje vjen era e një pazar të prapaskenës politke, nga ato “marrëveshje” në fakt që zhvlerësojnë çdo betejë opozitare në parlament… dhe në rrugë.
