Gjykata e Gjirokastrës ka dhënë masën arrest me burg për Thoma Mastoran, 59-vjeçari i akuzuar për vrasjen e çiftit të moshuarve në fshatin Bodrishtë të Dropullit.
Mastora ka mohuar të jetë autori i ngjarjes, por sipas hetimeve të policisë në banesën e të moshuarve janë gjetur prova që e implikojnë në ngjarjen e mistershme, ku çifti Ilia u gjet i masakruar brenda banesës së tyre.
Kryesuesja e seancës Mariola Beluli fillimisht i ka dhëne fjalën Blerina Musabelliut, prokurores se çështjes, e cila ka sqaruar te gjithë ngjarjen e te premtes se kaluar dhe duke ofruar provat materiale e shkencore.
Musabelli kërkoi burg pa afat për Mastoran. Ndërsa avokati i vendosur nga shteti Jorgo Kasapi, ne seance ka kundërshtuar akuzën duke thëne se Mastari është i pafajshëm pasi nuk ka qene ai autori i krimit.
